ປະຫວັດຫຍໍ້ຂອງ ສສງມ

ປະຫວັດຄວາມເປັນມາໂດຍຫຍໍ້ ສະຫະກອນສິນເຊື່ອ ແລະ ເງິນຝາກປະຢັດ ມິດຕະພາບ (ສສງ ມິດຕະພາບ) ແມ່ນທຸລະກິດລ່ວມຫມູ່ໄດ້ຮັບ ອະນຸຍາດສ້າງຕັ້ງ ຈາກທະນາຄານ ແຫ່ງ ສປປ ລາວ ເລກທີ 06/ກຄທສ ລົງວັນທີ 27/05/2009 ໃບທະບຽນວິສາຫະກິດ ເລກທີ 8073/ຫຈທ.ສະມາຊິກເບື້ອງຕົ້ນ 100 ຄົນເພື່ອໃຫ້ບໍລິການທາງດ້ານການເງິນແກ່ສະມາຊິກ, ໂດຍມີສະຖານທີ່ຕັ້ງຢູ່ບ້ານ ນາທົ່ມ, ເມືອງ ໄຊທານີ, ນະຄອນ ຫລວງວຽງຈັນ, ມີທຶນຈົດທະບຽນ 219,188,000 ກີບ. ຜູ້ກໍ່ຕັ້ງຫຼັກ ແມ່ນຄູອາຈານ ມະຫາວິທະຍາໄລແຫ່ງຊາດລາວ ທີ່ມາຈາກຫຼາຍອາຊີບຕ່າງກັນ ພ້ອມພໍ່ແມ່ປະຊາຊົນທີ່ຢູ່ອາໄສໃນ ຂອບເຂດເມືອງໄຊທານີ. ປະຈຸບັນ ສສງ ມິດຕະພາບ ມີສະມາຊິກ ຈໍານວນ 1.154 ຄົນ, ມີເງິນຮຸ້ນສະມາຊິກ 7.537.402.918 ກີບ. ມີເງິນກູ້ທີ່ຍັງເຄື່ອນໄຫວຈໍານວນ 548 ບັນຊີ, ສະມາຊິກສ່ວນໃຫຍ່ແມ່ນ ພະນັກງານລັດ: ນາຍຄູ, ທະຫານ, ຕໍາຫຼວດ ຊຶ່ງກວມເອົາເຖິງ 95% ທີ່ອາໃສຢູ່ນະຄອນຫລວງວຽງຈັນ. ຜົນການດໍາເນີນງານແມ່ນມີທ່າອ່ຽງຂະຫຍາຍຕົວໃນຈັງຫວະ ທີ່ດີ ປະສິດຕິພາບຂອງການດຳເນີນງານຢູ່ໃນເກນມາດຕະຖານ. ປະຈຸບັນເຖິງແມ່ນວ່າ ສສງ ມິດຕະພາບ ເປັນ ສສງ ແຫ່ງດຽວໃນນະຄອນຫລວງວຽງຈັນ ແຕ່ການຂະຫຍາຍຕົວຂອງສະຖາບັນການເງິນຈຸລະພາກແມ່ນນັບມື້ນັບຫລາຍຂຶ້ນ, ຊຶ່ງມັນເປັນສິ່ງທ້າທາຍທີ່ອາດຈະມີຜົນກະທົບໄລຍະຍາວຕໍ່ ສສງ, ເພາະມັນເປັນທຸລະກິດປະເພດດຽວກັນຄື: ໃຫ້ບໍລິການທາງດ້ານການເງິນ, ເງິນຝາກ ແລະ ເງິນກູ້.